Festa de exaltación desta froita típica do outono e tan popular en todo o val do río Maceiras en Redondela. A festa celébrase no primeiro domingo de outubro na parroquia de Santo Estevo de Negros, lugar da festa e degustación. Nela poderemos gozar de múltiples pratos salgados, fríos ou doces, tendo como protagonista a mazá: bacallau con mazá, chourizos á sidra, xamón con mazá, etc. Ademáis da degustación, durante a xornada ten lugar un concurso de sobremesas realizadas con esta froita e todo tipo de actividades lúdicas e musicais.
