Situada no centro histórico de Redondela, na mesma vía do camiño de Santiago, Tía Estébana é unha tenda de alimentación e produtos relacionados coa cociña e a gastronomía, na que ademáis se ofrecen servizos complementarios como obradoiros, catas ou cursos de cociña. Tía Estébana é un lugar no que calquera persoa se sentirá a gusto e poderá gozar do que son un referente, as súas excelentes táboas de queixos, embutidos e viños do país. Un espazo onde atopar alimentos seleccionados con moitísimo agarimo, no que simplemente poderás pasar un intre observando as curiosidades que aquí se atopan, degustar un dos seus deliciosos almorzos ou aprender un pouco máis sobre cociña, produto e gastronomía.
