Acolledor apartamento con terraza recentemente reformado en 2021. Cociña con todos os seus electrodomésticos e enxoval. Baño con prato de ducha e bidé. Unha habitación con cama de matrimonio. Outra habitación con dúas camas pequenas. O salón dispón de TV e sofá cama, onde pode durmir con gran comodidade un cuarto ou quinto inquilino. Calefacción en todas as habitacións. Wifi gratuíto. Estamos situados no barrio da Portela, lugar tranquilo adxacente ao pobo de Redondela, situado na desembocadura do río Alvedosa, que verte as súas augas á enseada de San Simón, na Ría de Vigo. Con vistas frontais ao río Alvedosa, a terraza ofrece un lugar tranquilo e propicio para gozar desta zona de marisma, considerada reserva de aves. Patos, cisnes, corvos mariños, garzas, garcetas… serven de fondo visual e sonoro á paisaxe. Un rústico paseo de madeira sobre a ribeira do río comunícanos co pobo. Lavadora e secadora de uso libre e gratuíto. Aparcamento privado gratuíto para un coche.
